Liquid Death Can-ah Ozzy Osbourne DNA telh dawn

English singer leh songwriter, Ozzy Osbourne chuan a mak danglam bikna rawn lan tir lehin, Liquid Death nen thawk dunin an limited edition Liquid Death Iced Tea burah Ozzy-a DNA dah tel a ni dawn. He hmalakna hi mi lar leh company thawh dunna dangdai tak a ni.

Liquid Death Iced Tea bur 10-ah hian Ozzy-a DNA chu pack tel an ni dawn a, hengte hi Ozzy hian a in chhin vek hnuah seal hnan a ni chauh dawn a ni.Heng bur zawng zawngah hian rock legend hian a signature a ziak vek dawn a, a man hi USD 450 lai chhiar a ni thung.

"Prince of Darkness" telna band, 'Black Sabath' final show chu an chenna khua Birmingham-ah band member kimin an huaihawt dawn. He show hi July 5-ah neih tur niin fan eng emaw zatin an ngen hnuah an ti hlawhtling thei dawn niin Nilaini khan Ozzy hian social media kaltlangin a tarlang.