Cardi B-in kumina single hmasa ber 'Outside' ti chhuak

American rapper Cardi B chuan hun rei tak rimawi thar a tih chhuah tawh loh hnuah kumin atana a single chhuak hmasa ber ni turin "Outside" chu nimin, Zirtawpni khan a ti chhuak. Hei hi nikuma 'Enough (Miami)' a tih chhuah hnua solo release a neih leh hmasak ber a ni.

Cardi B hian a single thar chungchang hi thup tak siin Nilaini khan a Instagram account-ah "We OUTSIDE this Friday!!" tih caption ah hmangin he hla photo art nen hian a lo tarlang tawh a ni.

Nilaini vek hian France-a Cannes Lions, Spotify Beach-a hmanah 'Outside' hi a perform bawk. Cardi B hian kum 2018-a 'Invasion of Privacy' album a tih chhuah bak kha tih chhuah dang a la nei lo a, tunah hian sophomore studio album tur a buaipui mek niin sawi thawm a awm.