'Sholay' siam ṭhat Italy-ah premiere dawn

Bollywood legendary epic 'Sholay' chu a golden anniversary pualin siam ṭhat a ni a, film siam ṭhat uncut version hi khawvel puma en theih turin Italy-a Il Cinema Ritrovato Festival neihnaah June 27 hian premiere a ni dawn. Il Cinema Ritrovato hi Italy-a Bologna-ah June 21 -29 chhung neih a ni dawn.

Sholay hi kum 1975 a tih chhuah, Ramesh Sippy direct Bollywood classic ngaihhlut hlawh tak a ni. Dharmendra leh Amitabh Bachchan bakah Hema Malini te an chang. Film siam ṭhat a nih tur chung changah a changtu Dharmendra chuan,"Sholay hi 8th wonder of the world a ni, film siam ṭhat a ni leh chu ka lawm takzet a ni, tih chhuah a nih aṭanga kum 50 hnuah pawh a hlawhtling hle ang" a ti. Sholay film hi cut awm lovin minute 204-a thui a ni a, world premier-ah hian uncut version zawk hian tih chhuah a ni dawn a ni.