BLACKPINK-in hla thar nei dawn

Korean girl group huhang ngah tak, BLACKPINK chuan kum thum hnuah world tour concert an neih rualin hla thar an ti chhuak dawn.

YG Entertainment chuan June 23 khan thuchhuah siamin, BLACKPINK chuan Goyang-a July 5 leh 6-a "DEADLINE" world tour an neih turah hla thar an nei dawn tih an puang. YG Entertainment aiawha thupuangtu chuan an hla thar tih chhuah dan tur hi vawi eng emaw zat sawi hoin, Goyang concert-a premiere kan rel thlu ta a ni, a ti. Kimchang zawka an puan thuai tur thu a sawitel bawk. BLACKPINK hla thar tur hi an album pahnihna "BORN PINK" tih an tih chhuah kum hnih leh thla 10 hnua chhuak tur niin, world tour nei tur hian inbuatsaihna nasa takin an kalpui mek bawk a ni.