JSJ Fight League a hlawhtling

Inrinni zan khan Mizoram University Multipurpose Hall-ah Mixed Martial Arts event lian JSJ Fight League 2&3 chu hlawhtling taka neih a ni a, a hmun hla a, ruah a sur nasa hle chungin an khelhna hall khat tlatin mipui an pungkhawm.

JSJ Fight League 2 neih hmasak a ni a, chumi hnuah JSJ Fight League 3 neih leh a ni. Bouts 15 khelh a ni a, JSJ Fight League 3 main event-ah Manipur fighter Roshan Luwang chuan Round 2-na minute 2 leh second 47-ah Rear naked choked-in Zorinmawia a hneh a, he match-ah hian Zorinmawia hian a khupah hliam na tak a tuar nghe nghe. JSJ Fight League 2 Main Event pawh a hmuhnawm hle. Ngursaimawia chuan Bangladesh fighter Md Abu Sayed chu Round 3-ah Technical Knock Out-in a hneh. Md Abu Sayed hi fighter ṭha tak a ni a, he game-ah hian a vannei ṭhin hle. Round 1-ah Ngursaimawia'n a knock out ṭep a, mahse hun a zo hman. Round 2-ah pawh a knock out leh ṭep a, hunin a lo chhan leh hman hram. Round 3-ah erawh Ngursaimawia chuan a hneh ta nge nge; clear punch a neih hnuah a lut chhunzawm a, na taka a khawih hmain referee a inrawlh hman a, TKO-in Ngursaimawia a chak ta a ni.

JSJ Fight League 2 Co-Main Event-ah Ngurlianzuala chuan unanimous decision-in a khing≠pui Meghalaya fighter Johny Raymnong a hneh. Heavyweight match-ah hian Fighter pahnihte hian Round 3 an khel a, a tawpah Ngurlianzuala a chungnung ta zawk a ni.

JSJ Fight League 3 Co-Main event-ah Zorammawia a che ropui hle a, second 16 chhung lekin a khingpui Bengal fighter Aaqib Maqsood chu Technical Knock Out-in a hneh. Zorammawia hnek hi a na hle a, Aaqib Maqsood hi amah aia sang ni mah se chiang taka a hnek fuh hnuah ground-ah an inbei zui a, Aaqib Maqsood a che thei tawh lo; Zorammawia chuan a hnek chhunzawm nghal mawlh mawlh a, referee Samuel Lalrozama chuan match a titawp ta a ni. JSJ Fight League 3-ah hmeichhe fighter an inlan a, straweight category-ah Lalruatfeli chuan Unanimous Decision-in K. Lalrinpuii a hneh.

Fight hmuhnawm tak tak a awm a, Bantamweight-ah Deng≠thanchhunga chuan second 37 chhungin a khingpui PC Vanlal≠thuam≠mawia a knock out a. Welterweight-ah Lalṭhasanga Lelhchhun chuan Minute 2 leh second 16 -ah a khingpui C. Lal≠sangliana a rek tlawm bawk. Flyweight-ah Pathian≠mal≠sawm≠dawng≠≠liana khel a hmuh≠nawm hle a, Benjamin-a nen an inhmachhawn a, Ben≠jamin-a a fak≠awm em em, street figh≠≠ter niin a tuarchhel hle a, hmai thi hnuang chung pawhin a khingpui Pathianmalsawmdawng≠liana a pan nget nget, mah≠se unanimous decision-in Pathianmalsawm≠dawng≠liana a chak ta zawk a ni.

JSJ Fight League 2 Results

1. Lightweight : C. Lalfakawma def. Lanlalnunpuia (TKO)

2. Featherweight : Obeda Vanlalhma-ngaiha def. Remruatsanga Ralte (Rear Naked Choked)

3. Bantamweight : PC Vanlalthuammawia def. Lalramdinthara (Split Decision)

4. Flyweight : Pathianmawlsawmdawngliana def. Lalbiaksanga (Unanimous Decision)

5. Welterweight : C. Lalsangliana def. C. Lalfamkima (TKO)

6. Heavyweight : Ngurlianzuala def. Johny Rymnong (Unanimous Decision)

7. Flyweight : Ngursaimawia Sailo def. Md Abu Sayed (TKO)

JSJ Fight League 3

1. Pathianmawlsawmdawngliana def. Benjamin Laltlankima (Unanimous Decision)

2. Featherweight : Remruatsanga Ralte def. Lalchhuanmawia (Rear Naked Choked)

3. Lightweight : Rosangzuala def. C. Lalfakawma (Unanimous Decision)

4. Bantamweight : Dengthanchhunga def. PC Vanlalthuammawia (KO)

5. Welterweight : Lalṭhasanga Lelh-chhun def. C. Lalsangliana (Submission)

6. Straweight : C. Lalruatfeli def. K. Lalrinpuii (Unanimous Decision)

7. Welterweight (Pro) : Zorammawia def Aaqib Maqsood (TKO)

8. Bantamweight (Pro) : Roshan Luwang def. Zorinmawia (Rear Naked Choked)