Cliff Richard thubuai a neihah Pathianah a innghat

Sir Cliff Richard, zaithiam lar leh hlawtling, "Eng vangin Setana hian music ṭha zawng zawng hi a neih vek bik ang?" ti ṭhintu chu tun hnai khan sex assult thilah khin a ni a, chhui a nih hnuah he thubuai hi tihtawp a ni. Cliff Richard hian a thubuai chungchangah hian Kristian a nihna chu a hmachhuan ber a ni tih a sawi a, engkimah Pathianah a innghat a ni a ti.

Cliff Richard hi kum 1958 aṭanga kum 1983 inkarah sex lam kaihhnawihah mipa ṭhiau paliin an khing a, Crown Prosecution Service chuan thla 22 chhung zet an chhuizuinaah thubuai hi kal zel tlak loah an ngai a, an titawp ta a ni. Hemi hnu hian, tunhnai khan Richard chuan harsatna a tawh avang hian nasa takin Pathian a rinna chu a chak lehzual tih a sawi a, a hma zawng aiin Pathian a rinna a nasa tawh zawk a ni a ti.

"Pathian tel loin mi hi engtin nge an awm tih ka hre lo. Kum hnih chhung chu ka rinna chauh hi ka hmachhuan tak zet zet a, thil dangah ka innghat lo," tiin, Pathianah chauh a innghahzia a sawi. "Ka rinna hi vawi khat chauh ni loin vawi tam tak fiah a ni tawh a, ni tin hian ka rinna a nghet tial tial a ni," a ti.