Xiaomi phone thar an tichhuak

Xiaomi chuan Zirtawpni khan an phone thar ber, Redmi 4 chu an pho≠chhuak a, an phochhuahna hmun hi China-ah a ni.

Redmi 4 hian a hma≠in chanchin a ngah hle tawh a, a nihphung ṭhenkhat tarlanah chuan a ṭhat hmel hle. A hmai hi inchi 5 a ni a, a reolution pawh a ṭha pangngai a, 1080 x 1920 pixel a ni. A processor hi 1.4GHz octa-core Snapdragon 625 emaw MediaTek Helio P10 SoC emaw a hmang. A RAM hi 3GB a ni a, a inbuilt storage hi 32GB a ni. Hei bakah hian microSD 128GB a lian thleng a hmang thei.

Camera hi a hnung lamah 13MP a awm a, dual-LED flash a thuam a ni a, a hma lam camera hi 5MP a ni thung. A battery lam pawh a ṭha a, 4100 mAh a ni.

A man tlawm chi zawk pawh a awm dawn a, chu chu Redmi 4A a ni. A hmai inchi 5-a hlai a ni a, a reolution a hniam deuh a, 720 pixel a ni. A thluak hi 1.4GHz Snapdragon 425 a ni a, 2GB RAM a nei a, inbuilt storage hi 16GB a ni a, a battery pawh a hniam deuh a, 3030 mAh a ni.