Nunna Thar Thlan a la hlawh ber

Hontrade International Ṭhazual Fakna chhuak hmasaah pawh khan Nunna Thar hla chuan pakhatna a luah tawh a, Ṭhazual thar tihchhuah lehah pawh Nunna Thar hi hla thar dangten an la tluk lo.

Nunna Thar film a hit a, hmun hrang hranga chhuah a nih mek laiin Nunna Thar hla, OST-a hman loh zawk, Andrew Laltlankima sak chuan Hontrade International Ṭhazual Faknaah pakhatna a la luah tluang zel a, a zawnin pakhatnaah vawi hnih a awm ta. He hla hi Andrew Laltlankima phuah a ni a, Nunna Thar film Leitlang Pictures leh SVP te siam pawh hi Andrew-a hla behchhana siam a ni. Nunna Thar film hi tunkar Zirtawpni zan hian Chanmari YMA-ah tihchhuah leh tum a ni.

Electric Veng Branch KṬP (Matthaia Grp) hi an thiam a nih rinawm a, chubakah an vengin ṭan an la ni ang, pahnihnaah an rawn invawrh chho ta, Electric Veng Branch KṬP (Matthaia Grp) hla 'Ka ring zel ang che' tih chu palina
aṭangin pahnihnaah an rawn invawrh chho. A hmaa pahnihna luahtu Stacy VL Muanpuii hla 'Hnehna hla mawi' chu pathumnaah a chhuk.

Parukna aṭangin Thelma-i hla 'Isu i hnena awm ka duh' chu palinaah a rawn chhuak a, One in Christ hla 'Min chhung khat leh
ṭhin' chu pathumna aṭangin panganaah a chhuk.

Top 10-ah hla thar pathum a rawn lang thar. Lang thar zinga thleng sang nghal ber chu Lalremsiami hla 'Ka vui lo Lalpa' tih hla hi a ni a, pasarihnaah bul a rawn
ṭan thei. Ark of Melody chu a vawi hnih nan Top 10-ah kan hmu leh ta. Tun ṭum hian 'Ka damna i ni' hla hmangin pakuanaah bul an rawn
ṭan a, Lalhlumawii hla 'Ka dai ngai loh ram nuam' chu 10-naah a rawn lang thar bawk.

Hontrade International Ṭhazual Fakna

1 Andrew Laltlankima

- Nunna Thar

2 Electric Veng Branch KṬP (Matthaia Grp)

- Ka ring zel ang che

3 Stacy VL Muanpuii

- Hnehna Hla mawi

4 Thelma

- Isu i hnena awm ka duh

5 One in Christ

- Min chhung khat leh ṭhin

6 Vanlalpari

- Hei hi khawngaihna mak

7 Lalremsiami

- Ka vui lo Lalpa

8 PBK Liankhuma

- Ka chung rammawiah

9 Ark of Melody

- Ka damna i ni

10 Lalhlumawii

- Ka dai ngai loh ram nuam