Young Jeezy ropuina chart

Billboard 200 tihchhuah a ni a, Young Jeezy chuan a ropuizia a tarlang a, a album thar ber chuan pakhatna a luah.

Young Jeezy album thar hi ëTrap or Die 3í a ni a, kar liam ta chhung khan copy 89,000 hralh chhuah a ni. Young Jeezy tan tuna mi hi Billboard 200-a pakhatna luah thei a album pathumna a ni a, hei bakah hian top 10-a lang thei album pariat a neihna a ni ta. Tuna a album copy 89,000 a hralh zinga copy 73,000 hi album pangngai a ni.

Jeezy album, pakhatna luah hnuhnung ber chu ëThe Recessioní kha a ni a, kum 2008 khan a ni. ëTrap or Die 3í hmaa a album tihchhuah ëChurch in these streetsí chu palina a thleng pha. A album dang, Top 10-a lang theite chu kum 2005-a mi ìLetís Get It: Thug Motivation 101î (No. 2) te, kum 2006-a mi ìThe Inspirationî (No. 1), kum 2011-a mi ìThug Motivation 103: Hustlerz Ambitionî (No. 3) leh kum 2014-a a tihchhuah ìSeen It All: The Autobiographyî (No. 2) te an ni.

Kenny Chesney album thar ëCsomic Hallelujahí hian pakhatna a luah teuh hle a, a number chhiar awlsama dahin copy 89,000 tho hralh anga ziah a ni a, mahse tlem te chauhin a pha lo deuh. Hei hian music khawvela Kenny Chesney hlawhtlinzia a tarlang a, a album 12 chu top 4-ah a lang thei.

Pathumna pawh hi album thar tho a ni a, Meek Mill album a ni a, DC4 album hi copy 87,000 a hralh. Avenged Sevenfold album thar ëThe Stageí chuan palina a rawn luah. He album hi kar liam ta chhung khan copy 76,000 hralh a ni a, kar hmasaa pakhatna, Gaga album Joanne chu panganaah a tla thla.

Billboard 200

ìTrap or Die 3î - Young Jeezy (89,000)

ìCosmic Hallelujahî - Kenny Chesney (89,000)

ìDC4î - Meek Mill (87,000)

ìThe Stageî - Avenged Sevenfold (76,000)

ìJoanneî - Lady GaGa (61,000)

ìA Pentatonix Christmasî - Pentatonix (41,000)

ìViewsî - Drake (36,000)

ìSuicide Squad: The Albumî - Various Artists (28,000)

The ìHamiltonî Soundtrack - Various Artists (26,000)

ìNobody But Meî - Michael Buble (25,000)