Brandy leh Monica-in tour nei dawn

R&B icon Brandy leh Monica chuan a vawi khatna atan tour an nei dun dawn tih Thawhlehni khan CBS Mornings-ah an puang. Tour an neih tur hi 'The Boy Is Mine' tih niin, 1998 chhoa an hla hit an sak dawn bakah Kelly Rowland, Muni Long leh American Idol Season 23-a American Idol winner Jamal Roberts te an inlan dawn a, Black Promoters Collective ten an produce dawn a ni.

Tour hi October 16-ah Heritage Bank Center, Cincinnati-ah neih ṭan a ni dawn a, December 7-ah Toyota Center, Houston-ah a tawp khar a ni ang. Chicago, Las Vegas leh Brooklyn-ah te an perform dawn bawk a ni. Brandy leh Monica-te hian movie minute hnih awh, Ethan Tobman-a direct an ti chhuak dawn bawk. R&B tana mi thlawh hlawk tak pahnih an ni a, an tour neih dun tur pawh chhinchhiah leh hriatreng tlak a ni ngei ang.