US president ni tawhte hausak lam John F Kennedy a hausa ber

Donald Trump hi president a nih takah chuan president ni tawh zinga hausa ber a ni dawn. A hmaa US-in president an lo neih tawh zingah John F. Kennedy chu a hausa ber a, American Civil War hma leh hnu lam hreta mite kha an rethei tlangpui.

John F. Kennedy a hausa hle a, a pa aṭanga lo hausa tawh a ni. A pa, Joe Kennedy khan banking lamah te, stock trading-ah te, d‚n loa zu zawrh≠ah leh movie a produce
aṭangtein sum a lalut hnem hle ṭhin a, president a nih lai khan an chhung≠kaw hausakna hi USD tluklehdingawn khat vel a ni. An chhungkaw sum kha a ṭawmpui mai ṭhin a, an kahhlum tak avangin ro erawh a khawm hman ta lo a ni.

George Washington kha a lo hausa hle mai a, ram an nei zau a, plantation zau tak an nei. Virginia-ah ram zau tak an nei a, chu mai bakah Mount Vernon-ah ringawt pawh ṭin 8,000 zeta zau ram an nei bawk. George Washington pawh kha a mimal hausakna anga chhut theih a ni lo a, an chhungkaw hausakna chu USD mtd 525 zet a tling.

Thomas Jefferson khan USD mtd 212 zet neiin hausak lamah pathumna a ni. Sumdawnna lamah a ropuiin a hlawhtling hle a, a hausakna hlut lam thawhhlawk chu ram leh in a neihte a ni. Theodore Roosevelt khan USD mtd 125 lai a nei a, palina a tling pha a, USD mtd 119 nei Andrew Jackson chu pangana a ni.

Hillary Clinton pasal, Bill Clinton khan USD mtd 55 a nei a, top 10-ah a lang pha a, Barack Obama hian USD mtd 7 vel neia chhut a ni. US president ni tawhte zinga rethei, USD mtd khat pawh nei tling lo chu Abraham Lincoln te, James Buchanan te, Andrew Johnson, Ulysses S. Grant, James Garfield, Chester A. Arthur, Woodrow Wilson, Calvin Coolidge leh Harry S. Truman te an ni.