Robbie Williams-a’n mi tlem te dawn theih a dawng thei

Elton John leh fam ta David Bowie te chauhina an la dawn, music lama Britain-a an inchawimawina ropui, BRIT Icon Award chu Robbie Williams hnenah hlan a ni. Take That member
ṭhin Robbie Williams hi a vanglai tak tak aiin tun hi a vanglai a ni zawk hial ang em aw tih mai turin hlawhtlinna a chang chho mek.

Robbie Williams hian he chawimawina a dawn bakah hian Zirtawpni khan a album thar a tichhuak. A album hi The Heavy Entertainment Show a ni a, Sony Music kaltlanga a album tih≠chhuah hmasak ber a ni. Tunkara album hralh hnem UK-a an chhiarna, kar leha tih≠chhuah tur, UK Album Chart-ah pakhatna a luah ngei rin a ni.

UK history-a UK mipa soloist hlawhtling bera ngaih chu Robbie Williams hi a ni. Studio album 10 a tihchhuah tawh zinga pakua chu UK Albums Chart-ah pakhatna an ni thei a, chu mai bakah a album, a hla hit khung≠khawmna, greatest hits pahnih chu pakhatna an ni bawk. UK-a soloist zinga pakhatna luah thei album ngah ber berte chu Elvis Presley leh Madonna an ni a, Elvis hian pakhatna luah thei album 13 a nei a, Madonna hian 12 a nei thung.