Calum Worthy AI Company 2wai-in Video Chat App tlangzarh

Canadian actor, AI start-up 2wai dintu Calum Worthy leh Hollywood producer Russell Geyser te chuan an Video Chat App hmasa ber an tlangzarh. He Video Chat App hi 2wai technology hmanga siam a nih thu an pahnih hian an sawi a; mi lar, brand leh thildanga hman theih a nih dawn bakah, fan-te nen inbiak theihna siam a ni ang.

Tun hnaia an tlangzarh 2wai hmang hian William Shakespeare a biak theih bakah, 2wai siam character Luca (personal chef), Celeste (astrologist) leh Darius (personal trainer) te an biak theih bawk. Celebrity, personalized assistant, cultural icon, superhero leh midangte an biak theih bawk a, kartin dah belh zel an tum. Version tharah hian a hmangtute chuan anmahni ang (digital twin) an siam thei dawn tih company chuan an tarlang bawk.