James Bond director atan Denis Villeneuve

Amazon MGM Studios chuan James Bond film thar chu Oscar-nominated French-Canadian filmmaker, Denis Villeneuve-a'n a direct dawn tih an puang a, executive producer atan Tanya Lapointe an ruat bawk. Amy Pascal leh David Heyman te chu producer an nih tur thu an lo puang tawh bawk a ni.

Villeneuve chuan James Bond film a ngainat thu sawiin, director atana ruat a ni chu mawhphurna sang tak a nih rualin a phur thu a sawilang a, Amazon MGM Studios in a laka rinna an nghah ngam vang pawhin lawmthu a sawi bawk. Prime Video leh Amazon MGM Studios head, Mike Hopkins pawhin director atana an ruatna Denis-a'n a lo pawm avangin lawmthu a sawi a, cinematic lama mithiam tak a nih thu sawiin 007 adventure thar siam ho a chak tawh thu a sawi.