Healthcare worker-te tan Ice Cube luang chhuak

American rapper Ice Cube chuan a t-shirt, 'Check Yo Self Before You Wreck Yo Self' hralhna aṭanga pawisa an dawn turte chu, America rama damdawi-inte tan chhun luh vek a nih tur thu a sawi.

Khawvela Covid-19 hri kai tamna ber leh thi tamna ber US damdawi-in hrang hranga thawk, healthcare worker-te (doctor leh nurse telin) tana heng pawisa hi hman tura ruahman a nih thu Ice Cube chuan a sawi bawk.

He hmalakna kawngah hian Ice Cube leh a t-shirt siamsiaktu Black Out-te chu an ṭangkawp a, heng pawisate hian an mamawh ṭhenkhatte an phuhruksak theih an beisei a ni. Ice Cube chuan mipuiin a t-shirt zawrh hi an leisak duh a rin thu sawiin, khawvelin hun harsa a tawh mek lai hian kan inpuih tawn a, kan ṭantlan a ngai a ni, a ti.