Kendrick Lamar halftime show performer an man

Louisiana State Police-te chuan Super Bowl Halftime Show-a Kendrick Lamar bula perform ve, Zul-Qarnain Kwame Nantambu an man tih an puang.

Nantambu hian he show-ah hian Sudan leh Palestine flag pholangin, a thil tih ti tawp tura official-ten an ti chung pawhin a ti tawp duh chuang lo a ni. Video-a a landanin, he performer hi car chungah dingin, Lamar-a'n "TV Off" a perform laiin flag hi mipui hmuh theihin a rawn keng lang a ni.

Halftime Show producer te chuan he thil thleng hi show-a tel tura an tih a nih loh thu leh rehearsal-ah pawh a tel loh thu an tarlang.Kum 41 mi Nantambu hi Orleans Parish Criminal District Court warrant pek chhuah kaltlangin Ningani khan man a ni. Official-te chuan a ukil hriatpuinain amah leh amah a inpe tih an sawi.