'Street Fighter'-ah 50 Cent

American rapper leh actor, entrepreneur ni bawk 50 Cent, a hming tak Curtis James Jackson III chu Capcom video game hmingthang tak adaptation 'Street Fighter'-ah a chang dawn a, he film-ah hian Balrog lemah a chang ang. Ani bakah Jason Momoa pawh Blanka lemah a chang dawn a, Noah Centineo chu Ken lemah changin, Orville Peck chu Vega lemah a chang ang.

Martial artist-actor Andrew Koji leh WWE superstar Joe Anoa'i te chuan Akuma leh Ryu lemah an rawn chang dawn, star lar chho mek Callina Liang chu Chun-Li a ni ang. He film hi Kitao Sakurai direct niin, production hi Australia-ah August thlaah neih ṭan a ni dawn. 'Street Fighter' hi arcade game niin 1987 khan siam a ni a, 1991-ah 'Street Fighter II' siam niin 'Street Fighter 6' chu June 2023 khan tlangzarh a ni a, 2023 Game Awards-ah best fighting game a lo dawng tawh a ni.