Deepika Padukone-in Brad Pitt film thar shoutout sak

Bollywood actress Deepika Padukone chuan Zirtawpni liam ta, June 27-a tih chhuah Brad Pitt film channa thar ber, 'F1' movie chu a IG account aṭangin a rawn shoutout sak. Deepika hian a IG story-ah "Brad Pitt. That's it, that's the post. IYKYK" tiin a rawn post a ni.

'F1' hi Apple original film a ni a, Apple company-in an film tih chhuah tawh zinga che ṭha ber niin, kar liam ta chhung khan theatre aṭangin USD mtd 55.6 a la lut der tawh bawk.

'F1' hian Cinemascore-ah 'A' grade hmu phain; hralh chhuah a nihna hrang hrang aṭangin USD mtd 88.4 a hmuchhuak tawh bawk. He film siamna atan hian Apple chuan USD mtd 250 lai sum an theh chhuak a, distribution lam an tih loh avangin Warner Bros. chu theater-a tih chhuah na buaipui tur hian an thawhpui bawk.