Psy-in 'SUMMERSWAG 2025' nei ṭan

South Korean rapper leh singer-songwriter ni bawk, Psy chuan June 28 khan a summer concert brand 'SUMMERSWAG 2025' chu Incheon Asiad Main Stadium-ah nei ṭanin fans 30,000 vel an pungkhawm.

Show khuhhawnna atan a hla hit 'Champion' a rawn sa. He concert nei tur hian thla hnih vel a inbuatsaih niin an sawi a, a beisei a san loh karah hlawhtling taka bul an ṭan thei chu ropui a tih chu a sawi.

Concert ṭan zana guest artist hmasa ber chu BLACKPINK member Rosé niin, a hla 'Toxic Till The End' hmangin mipui a awi. Rosé chuan "SUMMERSWAG' concert-a inlan a chak ṭhin thu a sawi a, kum kal ta December thlaa a solo album hmasa ber a tih chhuah aṭanga mipui thlawpna nasa tak a dawn avangin lawmthu sawina hun remchangah a hmang bawk a ni.

Guest artist dang G-Dragon pawhin a hla 'POWER' a rawn sa ve bawk.