Netflix leh NASA thawk dun dawn

Khawvel huapa streaming platform lian, Netflix leh US space agency NASA chuan an thawh dun tur thu an puang. NASA hian an programme hrang hrang live stream-na, NASA+ piah lamah, an programme te a zau thei ang bera tih chhuah a nih theihna turin distribution lamah company hrang hrang nen in remna an lo nei tawh bawk.

NASA+ hi kum 2023 aṭang khan tih chhuah ṭan a ni a, an programme siam te hi an website lamah a thlawna en theih in a awm vek tho chungin streaming platform an thawhpui te aṭang hian vantlang mipui hmuh theihin space agency hnathawh leh science lam hriatfiahna daidarna lam tarlan ṭhin a ni. NASA+ hian rocket kahchhuah, spacewalk, mission coverage leh International space station aṭanga khawvel landan te live-in a pe chhuah ṭhin.

NASA hian Amazon Prime Video nen thawk dun turin inremna an lo siam tawh bawk a, YouTube lamah pawh an programme-te an lo ti chhuak fo tawh ṭhin bawk.