Netflix-ah 'Squid Game' Season 3-in viewership record thar siam

Korean dystopian survival thriller drama TV series 'Squid Game' season tawpna ber chuan Netflix-ah viewership record thar a siam. 'Squid Game' season 3 hian tih chhuah a nih aṭanga ni thum chhungin entu maktaduai 60.1 neiin, he platform kaltlanga tih chhuah tawh zingah tlangzarh kara entu tam ber nihna a nei nghal bawk.

Kar hmasa Zirtawpnia premiere, Korean thriller hit hi Netflix-a sapṭawng ni lo series entu tam lamah pakuana dinhmun a hauh tawh a ni. Ni thum chhung data aṭanga a lan danin, entu an la punchhoh zel pawh beisei a ni. 'Squid Game' season 2, kum kal ta December thlaa tih chhuah a nih khan ni li chhungin entu maktaduai 68 a nei a, kar khat chhungin entu maktaduai 50.1 an tling bawk a ni. 'Squid Game' hi 2021-a tih chhuah a nih aṭang khan khawvel huapin ngaihven a hlawh hle a, a chhunzawmna te pawh an che ṭha chhunzawm chho zel a ni.