"Pi Kimi" film-a chang turte thlang fel

Zofate tana film hmuhnawm hrang hrang lo chhawp chhuak tawhtu, Zote Entertainment chuan an project thar, thil thleng tak tak behchhana siam tur 'Pi Kimi' film-a chang turte an thlang fel ta. A changtu langsar tur zingah hian kum 82 mi, Liankhumi pawh a tel dawn.

Zote Entertainment kut chhuak thar turah hian Mikea chu director, writer niin Biaka St Photography chu director of photography a ni dawn a, story hi Merlyn Lyn-I buatsaih ani thung. Tun thla chawhnu lamah shooting hi neih ṭan a ni ang. Chhungkuaa en ho theih film ṭha tak chhawp chhuah an tum.

He film-ah hian film lama sulhnu la nei vak lote lakkhawm an ni a, changtunu turin Rinrini niin, Malsawmkimi, Shanika leh Jonathan Khiangte te chu a langsar zual tur an ni dawn bawk.