Robert Plant-a'n Diogo Jota a ui thu tarlang

English Rock band chuai thei lo, Led Zeppelin frontman Robert Pant chuan July 3-a Spain rama car chesuala thi, Liverpool club leh Portugal star, Diogo Jota a ui thu a tarlang.

Plant hian X-ah "Channa nasa tak a ni. Hma lam hun eng tak nei kan chan ta, i thil mak tihte avang khan kan lawm e, Diogo" tiin a uina thu hi a ziak a ni. Plant hian rimawi bakah infiamna lam pawh a tuipui hle a, Wolverhampton Wanderers football club ṭantu nghet tak niin kum 2009 aṭang khan club Vice President dihmun a chelh a ni.

Jota hian kum 2017 khan EFL championship club Wolverhampton Wanderers ah hian loan-a khelin, Premier League a kaisanpui hnuah kum 2018 khan club hi a zawm a, a awm chhung hian goal 44 a khung hman. Kum 2020 khan Liverpool club-ah a insawn a ni.