'Êng Chhuak' Mal Zai Intihsiakah pakhatna Miriam Lalhmingmawii

Aizawl East District PYD buatsaih 'Êng Chhuak' Mal Zai Intihsiak 2025 chu July 4 (Zirtawpni) zan khân a hmawr bawk a ni a, Miriam Lalhmingmawii, Bazar Kohhran (Bazar Bial) chu pakhatna a ni a, People's Choice Award a dawng bawk.

Êng Chhuak Mal Zai Intihsiak hi UPC NEI hnuaia Aizawl East District (AED) PYD buatsaih a ni a, intihsiaknaah hian mi 72 an tel. July 4 (Zirtawpni) zan khân Grand Finale chu Dawrpui Multipurpose Hall-ah neih a ni. Pakhatna Miriam Lalhmingmawii niin Vanlalruatsangi, Bethlehem Kohhran (Bethlehem Bial) chu pahnihna a ni a, pathumna chu Lallawmpuii, District Headquarters Kohhran (Bazar Bial) a ni.

Mizoram Legislative Assembly Speaker Lalbiakzama chuan Êng Chhuak pakhatna hi Scooty a pe dâwn a, pahnihna leh pathumna te hi Music Video a tum sak dâwn bawk. Pakhatna Miriam-i hian pawisa fai Rs 30,000 bakah TV, TVS Scooter, Color Bar Cosmetic Pvt. Ltd. Gift Pack leh trophy dawnign, Beer Seba Production

bultumin B Lego Picture-in music video a siamsak bawk ang. Pahnihna hian Rs 20,000, washing machine leh pathumna hian Rs 10,000 leh oven bakah thil pek dang eng emaw zat an dawng bawk

Êng Chhuak Mal Zai Intihsiaka Top 10 chinte hi Aizawl East District Studio-ah a thlawnin recording an tih sak dawn a ni.