Oasis reunion show-ah Diogo Jota pualin hun hmang

English rock legends, Oasis chuan hun rei tak show an neih tawh loh hnuah July 4 khan Principality Stadium, Cardif, Wales-ah reunion show an nei a, Liverpool footballer Diogo Jota pualin hriatrengna hun an hmang.

Manchester band, Liam leh Noel Gallegher-te kaihhruai chuan July 3-a car accident-a a nau nen a thi ta, Jota pual hian an hla hit tak mai 'Live Forever' tih an sa a, he hla hi Portugese striker Jota puala hlanin an zai lai hian a thlalak, Liverpool jersey number 20 a hakna chu big screen ah an ti lang a, fan 75,000 chuang pungkhawm thawm pawh a ṭha hle.

Diogo Jota leh a nau Andre Silva-te hi Inrinni liam ta khan an chenna, Godomar khuaah vuiliam an ni. A vuinaah hian Liverpool-a a khelhpui ṭhahnem tak an tel a ni.