Netflix hmangtu zingah Anime entu an pung

Khawvela streaming platform lian ber, Netflix chuan tun hnaia viewership an tih chhuahah khawvel puma Netflix hmangtu zingah Anime entu an pung tih an sawi. Kum liam ta aṭang khan Anime entu chu 50% velin an pung niin a tarlang.

Khawvel puma Netflix hmangtu hi chhungkaw maktaduai 150 emaw mihring maktaduai 300 emaw vel anga chhut a ni a, kum 2024 chho aṭang khan Anime entu hi an pung niin an tarlang. Kum 2024 chhung khan anime lam kaihhnawih hi khawvel pumah vawi tld 1 vel en niin, heng zinga 80-90% hian anime 'dubbed' an en ṭhin niin an tarlang bawk. Entu lam aṭanga ngenna a nasat avangin Netflix chuan anime chu ṭawng chi hrang 33-a dub a nih thu an sawi.