Apple Music-a hla play tam ber "Shape of You"

Apple Music chuan English singer-songwriter, Ed Sheeran 2017 single 'Shape of You' chu an platform kaltlanga hla play tam ber a ni tih an puang.

Streaming platform kum 10 tlin lawmna atan Apple Music chuan hla stream tam 500 pho langin, Inrinni zan khan hla batch hnuhnung ber tlangzarh a ni. The Weeknd, Drake leh Post Malone te pawh top 5-ah an lang. 'Shape of You' dawta hla stream tam pahnihnaah The Weeknd 'Blinding Lights' rawn langin, pathumnaah Drake 'God's Plan' a rawn lang bawk.

Palina leh pangana-ah Post Malone hla ve ve 'Sunflower' leh 'Rockstar' an lang thei. Top 500-ah hian Taylor Swift chuan a hla 'Cruel Summer' chu No. 57-ah a lanpui a, Korean boyband BTS chuan kum 2020-a an tih chhuah 'Dynamite' chu No. 34 ah leh, an hla dang 'Butter' chu No. 252-ah an lanpui thei bawk.