Spotify-a follower ngah ber Arjit Singh

Indian playback singer, composer leh music producer ni bawk Arjit Singh chuan music streaming service Spotify-ah follower maktaduai 151 neiin khawvel puma follower ngah ber a ni ta. Arjit Singh hian Taylor Swift, Ed Sheeran, Billie Eilish leh Abel Tesfaye (The Weeknd) te a rawn khum a ni.

Arjit Singh hi kum 2024 khan Spotify-ah hian most streamed artist-ah pathumna a lo ni tawh a, Indian artist zinga he platform-a follower maktaduai 100 chuang nei thei hmasa ber a ni bawk. Taylor Swift chuan follower maktaduai 139.6 neiin pahnihnaah a awm a, Ed Sheeran, tun hnaia Arjit Singh nen 'Sapphire' rawn ti chhuaktu chu pathumnaah awmin follower maktaduai 121 a nei mek a ni. Billie Eilish chuan follower maktaduai 114 neiin palinaah a awm a, The Weeknd chuan follower mtd 107.3 neiin panganaah a awm.