Lalngengpuii leh Sailova Covid-19 dona kawngah an pen chhuak

Lalngengpuii Tochhawng leh Vanlalsailova-te chu Covid-19 dona kawngah an pen chhuak a, Chief Minister Relief Fund-ah pawisa an pe.

Lalngengpuii hi zaithiam zinga Covid-19 dona kawnga sum thawh hmasa ber a ni a, Zirtawpni liam ta khan CM Relief Fund-ah Rs 10,000 a thawh a ni.

Vanlalsailova pawhin Inrinni khan CM Relief Fund-ah tho hian a piancham pual nipah fawmin Rs 40,000 a pe. 

Gospel singer leh speaker ni bawk Vanlalsailova hian March thla chhunga a YouTube channel aṭanga a sum hmuhchhuah chu tunlai hripui leng mek dona atan hian a pe a ni.

Chief minister Zoram­thanga pawhin Instagram kaltlangin Lalngengpuii leh Sailova-te chungah hian lawmthu a sawi bawk.

Covid-19 dona atan hian Miss Mizoram 2019 Zirsangpuii pawhin Rs. 10,000 a lo pe ve tawh bawk a ni.