Randeep-a'n 'Extraction' a hmangin zirtirna pe

Netflix movie thar 'Extraction'-a Chris Hemsworth chanpui zinga mi Randeep Hooda chuan a film chan hmangin  Covid-19 ziritirna a pe.

Nimin khan Instagram-ah film-a mipa naupang a man lai thlalak post-in a caption-ah, "He mipa naupang hi pawnah chuan chhuak lo se! Pawnah chhuak suh u, a nih loh chuan #Extraction #Lockdown," tiin thuchah awmze nei tak a tarlang a ni.

Randeep Hooda chuan hripui len laia pawna chhuak lo tura zirtirna atan a film chan ngeia thlalak chu a hmang a, pawna chhuah chuan harsatna lian tak a thlen thei tih lantirna turin a hmang ṭangkai hle.