Dinhlua Vanchhawng MV zaninah chhuak dawn

2024 Youth Icon aṭanga Zoram mipuite hmelhriat leh ngaihven hlawh,Laldinhlua Vanchhawng, Champhai chuan zanin dar 7:00 hian music video thar 'Thinlung Thawnthu' Movie OST 'SUIHLUNGMAWLA' a ti chhuak dawn a, Fanai Pictures YouTube channel-ah pek chhuah a ni ang.

'SUIHLUNGMAWLA' hi Fanai Pictures movie palina, 'Thinlung Thawnthu' original soundtrack niin, a hla a mawiin mi nawlpui sak nuam tih chi leh rilru khawih thei tak hla a ni. He hla hi Rindika (Matrix) leh Drac Frost te phuah a ni a, music leh recording hi D&V Studio Champhai kutchhuak a ni.