Donald Trump Entertainment khawvela a hnuhma

Ronald Reagan pawh kha actor a ni a, Arnold pawh California go≠vernor a ni thei a, Clint Eastwood pawh mayor a ni thei. Entertainment khawvela hming lo nei tawh Donald Trump-a president-a a tling hi thil mak a ni hran lo.

Trump hi New York khawpui bul lawk, Queens huam chhunga Jamaica Estate-a piang a ni a, an unau hi panga an ni a, an upa ber hi zu avangin kum 1981 khan a thi tawh a, hei vang hian Trump hian zu a in lo a, meizial a zuk loh phah. A pa aṭanga real estate lama eizawnna nghet ṭha tak lo nei tawh an ni a, Donald Trump pawh hian college a zawh
aṭangin a pa hnuai≠ah hna a thawk. Kum 23 a nih aṭangin show business lamah sum a hmang ṭan a, a hlawhtling vak lo. Kum 1973 aṭang khan Trump Organization-ah president a ni. Kum 1999-a a pa a thih khan a pa rosum, USD mtd 250 aṭanga mtd 300 inkar vel chu a unaute nen an insem. Real estate bakah hian golf course lamah pawh hma a la a, hmun hrang hrangah golf course a siam.

Kum 1996 aṭang khan Miss Universe, Miss USA leh Miss Teen USA-ah neitu nihna a nei ṭan a, kum 2015, September 11 aṭang khan a pumin a nei ta a ni. Kum 2003
aṭang khan NBC nen reality show hlawhtling tak ni zui ta, The Apprentice a kalpui a, amah hi executive producer a nih bakah a host bawk. He show kalpui a nih tirh hian episode tinah USD sing nga a hlawh a, a hlawhtlin chhoh hnu kha chuan episode tinah USD mtd 1 a hlawh ta ziah. Nikum July thla khan NBC Universal chuan he show-a episode 14 atan USD mtd 213 zet pawisa an pe.

Kum 2007 khan The Apprentice avang hian Hollywood Walk of Fame-ah star a hmu. Kumin February thla khan The Apprentice-a host leh tura biak a ni a, amaherawhchu president chuh a duh avangin an sawmna hi a hnar ta a ni.

TV sow-ah mai ni lo, film pangngaiah pawh a lang fo a, a lanna langsarte chu Home Alone 2: Lost in New York-ah te, The Little Rascals-ah te, Zoolander-ah te, Wall Street: Money Never Sleep-ah te pawh aw a thawhin a chang. Kum 1999 aṭang khan modelling industry-ah sum a invest ṭan a, modelling company, Trump Model Management a din.

Wrestling khawvelah pawh hnuhma a nei lian. World Wrestling Entertainment fan a ni a, WWE neitu, Vince McMahon nen pawn an inṭhianṭha hle. Wrestle Mania 23-ah khan Trump hi a lang a, Vince McMahon lu an ziah kawlhsak a nih kha. Wrestling-ah hian a tui a niang, Stone Cold chuan a rÍk hrep tawh bawk. President a ni dawn ta bawk sia, Stone Cold tan chuan, ìKan president hi ka hnuh hrep hnu a nih hi,î tiin a duh chuan a insawi thei dawn. Kum 2013 khan WWE Hall of Fame-ah lakluh a ni.