Zaithiam dangte lawm loh laiin, Azalea Banks a intithei

Zaithiam lar zawng zawng deuh thawin Hillary Clinton an ṭan a, a tana an campaign luih luih chung pawhin electoral vote-ah Donald Trump a hneh si lo. Zaithiam tam takten hrehawm an tih a, mipuiten an president thar duh loa kawng an zawh luih luih laiin raptress, Azalea Banks erawh a lawm a, a zaithiam≠puite hnehsawh takin a tiel vel mek.

Midum mah ni se, midum tam zawkina an duh loh Donald Trump a duh tlat a, a tling ta bawk a, Aza≠lea Banks hi a intithei mek. Nilaini khan Facebook lamah Hillary Clinton nuihsawhna thu te, Clinton-i ṭan em emtu Gaga leh Katy Perry deusawh takin ṭawngkam a cheh. ìAmerica hian hmeichhe president hmasa ber tur atan Hillary teh hrep ai chuan hmeichhe dang ṭha zawk a phu. Kan bawngpui chuan a vawi hnihna atan a hloh leh a, hnim zinga tla vel mai mai tura chhuah tawh chiî tiin Hillary Clinton hi a sawi.

Clinton-i a sawi hnuah Katy Perry leh Lady Gaga te a deusawh leh a, ìKaty leh Gaga te backstage lamah an ṭap te an tia, kei zawng, theih nise an beng bulah, a ring thei ang bera nuih a ni ka duh a ni,î a ti. ìHeng milarte hian an larna chuan thil a titheia ngaiin mipuite a kawihher theih an beisei a, amah≠erawhchu inthlan result hian anmahni angin American mipuite hi an mawl lo tih a tichiang,î a ti bawk.

Hetia mi a deusawh kual ve hnu hian Trump chu fakin, ìTrump chuan media a hneh. Hei hi politics aia thil th˚k zawk chu a ni. Media z‚wngho a hneh a, ani hi ka hero a ni,î a ti.