Donald Trump tlin nghawng Zaithiam lar ṭhenkhat an ṭap hial mai

Ariana Grande a ṭap

Keini Nilaini, an≠ni tana Thawhlehni zana US president atana Donald Trump tling tur anga a lan aṭang khan Ariana Grande a mang a ang a, a ṭap hial. Ariana Grande hian Instagram-ah US map dahin, hetah hian ama kum rualpui ten tunge an vote tih a lang a, Grande hian, ìKa rualpui angte hian tunge an vote tih a hmuh theih a, chuvang chuan ka beiseina pawh a nung thar leh e,î a ti.

Miley Cyrus a ṭap, Trump a pawm thei hram

Hillary Clinton a thlawp a, a tan a campaign nasat nen a, a tling zo ta si lo a, Miley Cyrus a ṭap. Nilaini khan Twitter-ah video a post a, a ṭap. ìHmeichhe president hmasa ber ni turin Hillary hi ka duh a, amah pawh hian a phu. Hun rei tak a beih hnuah chutiang hun ṭha chu nei leh thei se ka duh a ni,î a ti. Obama hnenah lawmthu a sawi a, ìTun kum riat kalta chhunga i thil tih zawng zawngah ka lawm tak meuh meuh e,î a ti. Donald Trump a pawm thu a sawi a, ìDonald Trump, ka pawm a che. US President atan ka pawm ta che ka tih rual hian ṭawngkaa sawi chhuah erawh a va harsa si em,î a ti.

Demi Lovato an sawisel

Thawhṭanni khan Hillary Clin≠ton a vote tur thu a puang a, a vote tling zo ta chuang lo. Donald Trump a tlin hnuah Demi Lovato hian hmana Donald Trump-aín hmeichhiate hmusit zawnga thu a lo sawi tawh, tunhnaia lar chhuak kha a rawn sawi thar leh. He a thil sawi chhuah thar leh avang hian miten Demi Lovato an sawisel nasat phah hle. Ama fan ten inthlan chungchang hi a ngaihven ve tak tak lo tih leh thil hrang hranga an sawisel hnuah Trump-a chungchang a sawi chhuah hi a delete a, thupha a chawi nghal.

Lady Gaga a la lungawi thei chuang lo

Inthlan result-ah Lady Gaga a la lungawi thei chuang lo. Nilaini zing khan Trump Tower-ah Trump-a duh lohna lantir a ni a, hetah hian Gaga hi a meizanghlaptu ber an ni. Manhattan, New York-a truck-ah dingin ëLove Trumps Hateí banner a la keng. Gaga hian twitter-ah ìHe ram ngilnei takah hian chÍn ka tum a, ani pui roh hian thuhnu d‚wn hauh loin a ti chhe vek a ni. Tunah chuan keimahnia kan inenkawl a ngai tawh ang,î a ti.