PC Vanlalhriati Music Video thar 'Rualtin khumtu YMA'

PC Vanlalhriati (Tenui) chuan Covid-19 laka kan ram kan him theihna tura theihtawp chhuaha thawktu YMA leh Local Level Task Force zawng zawngte pualin V. Thangzama hla phuah, YMA hla ṭha tak, 'Rualtin khumtu YMA' hmangin Music Video thar a siam.

'Rualtin khumtu YMA' hi an unau official channel Tenui & Nonoi Official-ah en theih turin a chhawp chhuak tawh a, ram leh hnam venghim tura mi inpete chet tlatna hlimthla hmuhnawm tak tak thlir tur a zep tel a ni.

Sa leh ral hma a zam ngai lo Mizote, hmuh theih loh ral hlauhawm tak Covid-19 laka kan ram leh hnam a him theih nana theihtawpa thawktu ka YMA member pui leh  Local Level Task Force member duhawm tak takte zahna chibai ka buk. Covid-19 laka kan him nana thawktu zawng zawng tan he hla hi ka hlan a ni, tiin Tenui chuan a sawi.

'Rualtin khumtu YMA' hi MDM library-ah dahluh a ni tawh a, Zonet Cable TV lamah pawh en theih turin chhawp chhuah a ni tawh bawk.