PLAY IT OUT Season 1-ah Emart x LCF an thiam ber

Events By Deezet Gallery buatsaih Moba Legends 5v5 Tournament Season 1 chu zawh fel a ni ta a, Best of 7 series ah Emart x LCF ten 4-3 a series lain an champion.

Play It Out Moba Lengends Tournament hi India ram pum huap a ni a, India hmun hrang hrang aṭangin team 384 an tel. Tournament hi June 3 aṭang ṭan kha niin, July ni 11 leh 12 ah Dawrpui Multipurpose Centre ah LAN EVENT khelh a ni. Grand Final ah India top team pahnih Emart x LCF leh DAB x TRT ten champion an inchuh a ni. Event-ah hian MLA Robert Romawia Royte chu khuallian niin a hmanpui. LAN EVENT hi Team 6, Mizo team 3 leh state pawn team 3 ten an khel a ni.

Champion team hian Rs 1,00,000 leh Diamonds 50,000 an dawng. Lawmman atan hian Rs 2,00,000 leh Diamonds 1,00,000 sem a ni.