The Cranberries 'Zombie' in thlirtu tld chuang nei ta
The Cranberries hla hit 'Zombie' chuan YouTube-ah thlirtu tluklehdingawn an nei tling ta a, 90's music video billion viewer nei tling pathumna an ni.
'Zombie' hi kumin chhhungin chawh rualin ni khatah thlirtu 1,70,000 an nei ang a ni a, kum zabi 20 hunlaia music video tihchhuah billion view nei parukna chiah a ni bawk.
'Zombie' chu eng lam nge?
The Cranberries hi Irish rock band niin, 'Zombie' hi September 19, 1994-a an tihchhuah kha a ni. An album pahnihna No Need to Argue aṭanga an single tihchhuah hmasa ber a ni a, an lead singer Dolores O'Riordan phuah niin a hunlai phei chuan a hit hle.
Kum 1993-a Warrington-a Provisional Irish Republican Army (IRA)-in bomb hmanga mi an beih duh lohna lantirna hla a ni a, he bomb puaka nunna chan pahnih Johnathan Ball leh Tim Parry-te hriatrengna puala a phuah a ni bawk.
'Zombie' hi tlangzarh a nih hnu lawkah khan Australia, Belgium, Denmark, France, Germany leh Iceland chart-ah No.1 a ni nghal a, US Billboard Modern Rock Tracks chart-ah No.1 ni bawkin, 1995 MTV Europe Music Awards an dawn phah nghe nghe.
Spotify-ah pawh ngaihthlak a hlawh a, tun thla tir thleng khan vawi maktaduai 462 stream a ni tawh.