BLACKPINK concert-ah Bruno Mars a rawn lang

Korean girl group BLACKPINK in SoFi Stadium, Los Angeles-a Pathianni zana DEADLINE World Tour show an neihnaah entute beisei leh hriat lawk lohin Bruno Mars a rawn inlan a, BLINKS thawm a ring hle. Rose nena an hla hit, APT an perform leh a ni.

BLACKPINK hian kum hnih leh thla riat hnuah North America-a an fan-te nen hun hlimawm tak hmang ho lehin July 12 aṭang khan North American tour hi an nei. Los Angeles-a tour khuhhawnna an neih hnuah hian Chicago, Toronto leh New York-ah show hi an nei chhunzawm ang. Member-te hi hun eng emaw chen solo project lama an kal hnuah group angin an rawn che chhuak leh ṭan a, an boruak pawh a lian chho leh nghal hle. North America bakah Asia leh Europe-ah tour hi thla ruk chhung an nei dawn a ni.