HLIMTHLA (Ṭhalaite suattu Ruihhlo) Documentary film tlangzarh

Central YMA leh LBS Suzuki ṭangkawpin an buatsaih, 'HLIMTHLA' (Ṭhalaite suattu Ruihhlo) Documentary film chu Thawhṭanni zan dar 8 khan Central YMA Hall-ah tlangzarh a ni. He film hi ruihhlo in kan ram a run nasat zia leh, ruihhlo lo luhna kawng chungchang tarlanna a ni.

Film tlangzarhna inkhawm hi MS Ralte, Fin. Secretary Central YMA in a kaihruai a, Fabian Lalfakawma Asst. Secretary Central YMA in thu a sawi. Prof. Malsawmliana, General Secretary Central YMA chuan film hi a tlangzarh a ni.

HLIMTHLA' (Ṭhalaite suattu Ruihhlo) hi Central YMA Youtube Channel ah a duh a piangte en theih tura dahchhuah nghal a ni bawk.