77th Emmy Awards nomination a chhuak ta

Television Academy chuan Thawhlehni khan 77th Emmy Awards nominationa a ti chhuak a, Apple TV+ hit 'Severance' chu a langsar a, nomination 27 a hmu. HBO Max show, 'The Penguin' chuan nomination 24 hmuin, nomination 23 hmu thei hi pahnih, 'The Studio' leh 'The White Lotus' an awm bawk.

Content platform zingah HBO Max a che ṭha ber a, an show hrang hrangte nomination hmuh chu 142 a tling pha. Netflix in dawtin nomination 120 an hmu a, Apple TV+ in nomination 81 an hmu bawk a ni.

Best drama actresss atana nominate, 'Matlock' star Kathy Bates chu kum 77 niin nominee zinga upa ber a ni. Hetih lai hian kum 15 mi, best supporting actor in a limited/anthology series or movie nominee, Owen Cooper chu naupang ber a ni thung.

Kumina nomination tih chhuahah hian filmmaker pahnih, Martin Scorsese leh Ron Howard techu 'The Studio' an inlan avangin nominee zingah an tel ve. 'The Studio' hian comedy series zingah Emmy Awards-a nomination hmu hnem ber record a siam bawk.

77th Emmy Awards nomination hi livestream-a puan a ni a, actor Harvey Guillen leh Brenda Song ten an puang a ni. Awards ceremony hi September 14, 2025 ah neih a ni dawn a, comedian Nate Bargatze chu host a ni ang.