Mega-festival Tomorrowland neihna tur mainstage kangral vek

Beglium-a electronic dance music festival, Tomorrowland neihna tur mainstage chu Nilaini khan a kangral vek. Mahse festival hi ṭan a la nih loh avangin mipui pungkhawm an la awm lo a, thi leh hliam an awm lo niin an tarlang.

Boom, Antwerp-ah festival hi vawiin, July 18 aṭanga neih ṭan tur a ni a, July 20 thleng a awh ang. Festival hi thawh hniha hman tum niin a thawh hnihna hi July 25 Zirtawpni aṭangin neih ṭan tum a ni bawk.

Festival hi ram 200 chuang aṭangin mi 400,000 velin an chhim turin an beisei a, mahse mainstage ber a kan ral tak avangin ruahmanna thar an siam ṭul dawn ta a ni. Kum tina neih ṭhin, Tomorrowland festival hi kumin hi a vawi 19-na tur a ni.

Khawvel huapa dance music artist ṭha takte an inlan dawn a, inlan tur zingah hian Martin Garrix, Steve Aoki, Armin van Buuren, Charlotte de Witte, David Guetta, Hardwekk, Nervo, John Summit, Fisher, Amelie Lens, Alok, Agents of Time, Miss monique, leh The Blesed Madonna-te pawh an tel.