Lorde-in 2026 Australian Tour pawtsei

New Zealand singer leh songwriter Lorde chuan 2026 Australian Ultrasound world tour a neih tur chu pawt seiin Sydney leh Melbourne-ah second and final show a neih belh dawn. Show an neih belh chhan hi pre-sale demand a tam vang niin Frontier Touring chuan Nilaini khan an tarlang.

Lorde hian kum 2023 a Solar Power tour a neih hnuah Australia-a show a neih lehna hmasa ber a ni a, Ultrasound Tour hian Lorde studio album palina 'Virgin', Billboard 200-a No.2 a nihpui chu a promote pah bawk a ni.

Australia leh New Zealand tour-te hi nakkum Feb 11 aṭanga neih ṭan tur a ni a, show a siam belh nen ram pahnihah hian show vawi riat a nei dawn ta a ni. Final show hi February 25 khian Perth-ah neih a ni ang.