Motor khalh chak vangin Emma Watson hrem

Harry Potter actress, Emma Watson chu dan phal aia chaka motor a khalh chungchang ngaihtuahna kal zelah, Nilaini khan court chuan thla ruk chhung motor a khalh a khapsak.

Watson-i hian nikum July 31 khan Oxford-ah a Audi chu 30mph zone-ah 38mph-a chaka a khalh chu manchhuah a ni. Nilaini khan High Wycombe Magistrates' Court chuan thla ruk chhung motor khalh a khapsak bakah £1,044 a chawi tir bawk.

Court-a a chungthu ngaihtuahnaah Watson hi amah a inlan lo a, a aiawh a inlan thung. Emma Watson hi kum 35 mi ni tawhin, kum 2023 aṭang khan University of Oxford-ah creative writing ah master degree a zir mek a ni.

Watson hrem a nih ni hian Harry Potter actress dang, Zoe Wanamaker pawh court chuan motor a khalh chak avangin a hrem ve bawk. Kum 76 mi, Wanamaker hian 40mph limit-ah 46mph a chakin a lo khalh a, Emma Watson hremna ang bawk pek a ni.