CCL rockband vocalist-ah Lalremruata Fanai tling

Lalremruata Fanai s/o Dr. F Laldawla, Zemabawk Veng chu Carnival Cruiseline, USA ah rockband vocalist atan a tling a, Carnival Conquest-ah male vocalist-in a awm dawn. Hmarchhak bial aṭanga tling thei hmasa ber a ni. September 5-ah Miami studio a pan ang a, thla khat vel rehearsal neiin hemi hnu hian a thawhna hmun tur a pan ang.

Drop Doubt School of Music-a vocal coach ni mek, Lalremruata hian kum 2021 khan Rockschool London aṭangin Grade 8 Vocals chu Distinction-ah a lo pass tawh a, East India High Achiever-ah a lang tel nghe nghe. Tunah hian ‘Project Wallflower’ band-ah vocalist ni mekin, nikum November khan an mini album hmasa ber ‘Nunnem Hmelṭha’ an ti chhuak a ni.