Billie Eilish leh James Cameron thawk dun

American singer-songwriter Billie Eilish chuan a album thar ber 'Hit ME Hard And Soft' world tour a neih meknaah khawvela film director ṭha ber pawl, Titanic, leh Avatar director James Cameron nen project thar 3D veka shot siamah an thawh dun thu a puang.

Eilish hian Inrinni liam taa Manchester-a concert a neihnaah he thu hi puangin, an project buaipui vang hian azawnin zan li ngawt thawmhnaw ngaia a lan a ngaih thu a sawi lang a.

Hei mai bakah hian a perform lai en tur hian mipui zingah Cameron chu a lo awm ve reng bawk niin a sawi. A thusawi hi a fan-te chuan social media lamah an zeldin zui nasa hle.

Billie Eilish hian eng atana project hi kalpui nge tih a sawi lang lo a, fans lam hian documentary emaw, film emaw, music video emaw tur a nih an in rin siak nasa hle.