Coldplay concert 'Kiss Cam' viral Astronomer CEO a bang

British rock band, Coldplay concert-a Kiss Cam avanga mualpho, American Tech company Astronomer CEO Andy Byron chuan a hna aṭanga banna a theh lut tih Inrinni khan Variety chuan a tarlang.

Coldplay in Music of The Sphere World Tour an neih mekah kar liam ta Nilainia Wisconsin-a show an neihnaa kawppui hran nei lai ve ve, Andy Byron leh HR chief Kristin Cabot te inhaw lo taka an inkuah lai lak fuh niin a viral zui nghal a ni. An video hi a viral hnuah a nupui, Megan Kerrigan chuan a social media account-ah a surname, Byron tih chu a paih nghal a ni. Company chuan Byron-a banna thehluh hi Board of Director chuan a pawmsak nghal a, CEO lailawk atan hian Pete DeJoy chu dah rih a ni. Byron leh Cabot te hi concert-naa an inkuah lai thla a viral hnu hian an hna aṭangin chawlh lak tir nghal an ni.