Stevie Wonder-a'n rimawi chawlhsan tum lo

American-Ghanaian singer-songwriter, kum 75 mi Stevie Wonder chuan rimawi chawlhsan a tum loh thu a sawi. Tun thla tir lam khan UK tour pawh a zo fel chiah a, critic-te fak a hlawh hle. Billy Joel leh The Eagles te rimawi lama an chetchhuah tlem telh telh hnuah pawh Wonder chuan chawlhsan a tum loh thu hi a sawi a ni.

Mitdel zaithiam Wonder chuan kum 2008-a a lo sawilan tawh, 'Through The Eyes Of Wonder' album pawh tlangzarh theih tura buaipui mek a ni tih sawiin, kum 2005-a a album tihchhuah 'A Time To Live' hnua a album hmasa ber tur a ni. Hunrei tak aṭang tawhin vocal civil rights campaigner a lo ni tawh a, Martin Luther King Jr piancham national holiday-a puan a nih theihna tura sulsutu pawimawh zingah a tel bawk. Singer hian rimawi chu thil ṭha lam thehdarhna atan leh thudik puanchhuahna atan thil pawimawh tak a nih thu a sawi bawk.