Tyler the Creator album thar chhuak

American rapper leh singer Tyler Gregory Okonma, Tyler the Creator tiha khawvel hriat chuan nimin Thawhṭanni khan a studio album pakuana, 'Don't Tap the Glass' chu a ti chhuak.

Tyler hian Zirtawpni liamta zana Barclays Center, Brooklyn, New York-a show a neihnaah album title tur hi a puang a, hemi hnu hian a Instagram post aṭangin a tih chhuah hun tur hi a puangzar leh bawk.

Tyler album tih chhuah hnuhnung ber chu kum 2024 ami, 'Chromakopia' kha niin, milar ṭha tak tak Lil Wayne, Sexyy Red, Daniel Caesar, Doechii, GloRilla, LaToiya Williams, Lola Young, Santigold, Schoolboy Q leh Teezo Touchdown-te a lo thawhpui tawh a ni. He album pawh hi Thawhṭanniah tho a ti chhuak a, nimina a tih chhuah thar nen a zawna Thawhṭannia album pahnih ti chhuak awmchhun a ni.