K. Hminga hla thar 'Rilru Indona' ngaihthlak theihin a awm

Kum 2020 hi kum chhia a ni tih kan pawm tlangin a rinawm. Chu kum duhawm lo tak karah chuan K Hminga'n eng duhawm tak a rawn det ṭhin a, kum duhawm lo leh hripui leng karah rimawi mawi tak, hla ngaihno bei tak min rawn hlui ṭhin a ni.

Krismas leh Kumthar kan duh ang leh beisei lo anga kan hman mek karah kum 2020 tawp dawnah K Hminga chuan hla thar mawi tak mai 'Rilru Indona' tih chu Zofate ngaithlak theih turin a rawn chhawp chhuak a, music video hmuhnawm tak nen thlira ngaithlak theihin YouTube lamah a awm a, K Hminga zai ngainatute tan chuan a ngaihven chi hle ang.

'Rilru Indona' hi K Hminga hla dang ang bawkin a mawi lehpek hle a, a hla thu a rem nalhin beng a fah leh veng veng hle a ni. A hla a mawi piah lamah guitar solo mawi lutuk mai min ngaihthlak tir leh bawk a, hla leh music thar lungkuai tal Zofate tan a rawn chhawp chhuak leh a ni ber.

Music Video mawi tak leh hmuhnawm tak hi a video danga a thawhpui ṭhin William Lalrindika siam sak bawk a ni leh a, tin recording leh music zawng zawng hi amah K Hminga kut chhuak vek a ni leh bawk.

'Rilru Indona' hi ila ngaithla lo a nih chuan a hnuia link-ah hian a ngaihthlak theih reng e. Nimin thlai thleng khan YouTube-ah mi sing ruk chuangin an thlir leh der tawh! K Hminga hla thar hmang hian kum tawp lo thlah ve ta che.