'Wonder Woman' movie thar ziak turin Ana Nogueira

DC Studios chuan 'Wonder Woman' movie thar ziak turin American actress, playwright, leh screenwriter Ana Nogueira an be mek tih an sawi. Nogueira hian nakkum-a tih chhuah tur 'Supergirl' a ziah mek bakah Warner Bros. live-action 'Teen Titan' siamtu zingah pawh a tel.

DC Universe-ah chuan 'Wonder Woman' hian ngaihhlut a hlawh hle. 'Wonder Woman' film pahnih siam tawhah Gal Gadot changin, a pahnih hian khawvel pumah USD mtd 822 an la lut a ni. Israeli actress, Gadot hi 'Wonder Woman 1984' a chan bakah 'Justice League, The Flash and Shazam! Fury of the Gods' ah pawh a inlan bawk. DC Studios co-head James Gunn chuan 'Wonder Woman' thar tur chu a script duhthusama ṭha an neih hunah chiah shooting neih a ni dawn tih a sawi.